買電器免費送一年保養? 美國運通卡 延長保養服務介紹

每次到咗換電話嘅季節,都會有好多信用卡KOL講如何靠迎新或者優惠將價格降到最低(其實大多只係靠食迎新,咁其實根本普通消費都食到,唔一定要將迎新用落手機到),而其實只要你有一張美國運通卡嘅話,唔需要點思考就已經可以慳到千幾蚊。點解?就係因為美國運通卡包含嘅嘅延長保養服務。

美國運通卡 延長保養服務介紹

美國運通卡部份信用卡(例如美國運通Explorer Card)可以享有「無憂消費主義」購物保障,當中嘅功能包含延長保養服務,只要憑卡簽購嘅貨品設有1至3年嘅原廠保養,保養期就可以延長1年。當原廠製造商嘅保養期屆滿後,延長保養服務就會即時生效。每一張運通卡賬戶每年可以獲高達HK$150,000嘅修理費用,而每件貨品則可獲保額高達HK$40,000,而呢個服務嘅承保人係安達保險香港有限公司。

以買iPhone為例,iPhone原先有一年保養,如果要買多一年保養服務嘅Apple Care嘅話,價錢就盛惠HK$1,899!但如果你係用美國運通卡碌嘅話,咁就可以享用到呢項服務,幾乎等同於多咗一年Apple Care(實際上同Apple Care有分別,稍後再講),慳咗接近成二千蚊!

至於呢項服務主要要注意嘅細則包括:

  1. 產品必須設有1至3年嘅原廠保養。
  2. 假設係買蘋果產品,咁就唔需要買Apple Care,因為並唔係1(假設免費一年原廠保養)+1(Apple Care)+1(美國運通卡)=3年保養,而係1(假設免費一年原廠保養)+2(Apple Care同美國運通同一年保養)=2年保養,Apple Care同美國運通嘅作用只會重疊。
  3. 人為損壞並唔包。
  4. 出機原廠保養同埋Apple Care係直接由蘋果處理,而美國運通則係搵Apple整完後再Claim番筆錢,兩者有分別。
  5. 雖然上面不停用蘋果做例子,不過其實只要其他牌子或者電器都用到呢個服務。
  6. 想了解更多詳情,可以致電番美國運通或者Chubb查詢。

當然,如果你覺得原廠出機保險已經夠用嘅話,咁使用現金回贈信用卡再配搭電器鋪優惠會更適合;但如果你本身都想要買多一年保嘅話,就記得善用美國運通卡嘅呢項服務啦!

想用信用卡儲酒店積分、飛行里數或者直接抵銷簽賬,同時又可以去旅行個陣免費入機場貴賓室?新推出嘅美國運通Explorer Card就可以一卡做到!而家就立即申請啦!

申請網址: stillmoney.com/s/AeExplorer

You may also like...