全港首篇！BNO印尼簽證所需文件教學！

唔少香港人都會用BNO去旅行，不過去印尼呢個地方，你又會點揀呢？香港特區護照可以享有30日免簽證入境；而BNO以往雖然無免簽，但都仲可以落地個時做簽證，不過自2018年8月起，印尼就連BNO嘅落地簽證都取消埋，必須要係香港做定簽證先去得，否則就會被原機遣返。

睇到呢到，可能你會心諗咁緊係用特區啦！不過咁，總有人好似我咁，硬頸唔想用特區護照。網上對於BNO做印尼簽證嘅教學，可以話係完全無，所以今次就特登做咗個小教學。如果睇完覺得有用嘅話，不妨Share畀身邊嘅朋友，等多啲人認識同使用BNO呢本護照。

BNO印尼簽證教學

做簽證大家第一時間可能都會去到嗰個國家嘅領事館網頁睇，好可惜，印尼領事館只有做Multiple Entry Visa嘅資料，想申請Single Visit Visa係要Email問所需資料的。

而上圖則係印尼領事館嘅回覆，至於唔想睇英文嘅朋友可以睇下面嘅所需文件列表。

申請所需文件

• 已填寫的申請表及VISA DECLARATION FORM
• 有效期多於六個月的BNO護照
• 護照個人資料頁的影印本
• 香港身份證影印本
• 一張4 x 5 cm的彩色個人相片（白色背景）
• 公司信（證明為該公司員工及該段時間放假）
• 銀行月結單（戶口需存有最少HK$20,000）
• 來回電子機票影印本
• 酒店訂單

印尼領事館地址：銅鑼灣敬誠街6至8號

注意印尼領使館雖然開星期一至五嘅09:30-16:30，但只有09:30-12:30會接受簽證申請。簽證費用為HK$393，需要係申請後入落BNI bank（印尼國家銀行），而整個簽證辦理過程則需時三日。

當中最麻煩嘅莫過於要取得公司嘅證明信，睇到呢點相信好多人會情願申請過一本特區護照，不過BNO除咗係個人身份認同之外，萬一出現大型事故嘅話，英國領事館仲會提供協助，之前就發生過2011年日本311地震時，大批港人滯留當地，特區政府拒絕包機，但BNO持有人就可以搭英國包機番香港嘅案例。所以有能力而又唔怕麻煩嘅話，不妨用BNO去申請簽證，去玩都玩得安心又放心！

–

想用信用卡儲酒店積分、飛行里數或者直接抵銷簽賬，同時又可以去旅行個陣免費入機場貴賓室？新推出嘅美國運通Explorer Card就可以一卡做到！而家就立即申請啦！

申請網址：stillmoney.com/s/Amex.Explorer

–